«O‘zimni jinsiy aloqa qilishdan to‘xtata olmayapman. Ikki hayolimni biri seksual fantaziyalarda. Juda ham siqilib ketdim. Ishlashga vaqt ajrata olmayapman. Oshna og‘aynilar bilan ham do‘stlik munosabatlarimizda muammo chiqa boshladi. O‘zimni juda ham aybdordek his qilyapman. Ertalab boshqa bilan tushlikda boshqa bilan kechga yana boshqa uyda ayolim bilan, bu hayotdan to‘yib ketdim o‘zimni to‘xtata olmayapman, doktor yordam bersangiz, qabulingizga ham borishga tayyorman. Jamoat joylarida o‘zimni zo‘rg‘a tutib yuraman hayolimdagini xuddi yonimdagilar biladigandek, yuzimga qarayotgandek, qo‘li bilan ko‘rasatayotgandek tuyuladi. Oilam do‘stalarim bilan birga vaqt o‘tkazishdan ko‘ra bugun qaysi ayol bilan qayerda, qanday birga bo‘lsam ekan degan fikrlardan tiya olmayapman. «

_________________________ _________________ _______________________

Jinsiy hayot haqidagi fikrlar kishida biologik, psixologik va yashash muhitidan kelib chiqadi va bunga diniy qarashning, tibbiy saviyaning va davlatning qonunlarini albatta daxli bor. Jinsiy hayot haqidagi fikrlarning rivojlanishi uning tushinchalarining rivojlanishi bilan bog‘liq, bu haqda ma’lumotlar kamligi yoki erishish qiyinligi, ta’qiq mavjudligi yanada murakkablashishga olib keladi. Inson tabiatan jinsiy hayol va fantaziyalarini yuzaga chiqarmaslikka xarakat qiladi, o‘z vaqtini va kuchini jinsiy yo‘lga sarflaydiganlar qonunan ta’qibga olinadilar, insonlar bilan munosabatda qiyinchilikka uchraydilar, ruhiy sog‘lom bo‘lmaganlar toifasiga kiritiladi.

Ayollar ketidan chopadigan, tinimsiz yangi sevgi qidiradiganlar zamonaviy ta’bir bilan pleyboy (playboy)larning, aslida, ildizlari ularning bolalik davrlarida muammolar bo‘lganligini ko‘rsatadi. Bu toifadagi erkaklar bir necha ayollar bilan jinsiy munosabatda bo‘lish orqali o‘zlarini hech kimdan kam emasliklarini, kuchli ekanliklarini ko‘rsatmoqchi, isbotlamoqchi bo‘ladilar, go‘yo. Shu yo‘l orqali g‘alaba qozongandek ko‘rinib asl tubdagi yerga urilganlik hislarini yashirmoqchi bo‘lishadi. Yolg‘izlik, kin, o‘ziga qarshi nafrat tuyg‘ularidan qochib yangi yangi sevgi izlashlari orqali o‘z hayotlarini ham sovurayotganliklarini bilishmaydi. Shunisi qiziqki psixiatrlar ham pleyboylardagi gomoseksual xohishlarini yashirish maqsadida giperseksualizm rivojlanadi deyishadi. Yana bir qiziq va tushinarsiz holat shundan iboratki pleyboylar eng ko‘p rivojlanayotgan davlatlarda va ularning past tabaqa oila farzandlarida paydo bo‘lar ekan. Bu holatni shunday tahlil qilish mumkin rivojlanayotgan davlatlarda inson zavq olishi mumkin bo‘lgan vositalar juda kam bo‘ladi. Giperseksualizm, har qanday sotsio-ekonomik guruhlarda uchrasa ham Dr.Kraft Edbing fikricha erkaklarning moddiy ahvoli pastroq bo‘lganlarda, ayollarda esa aksincha sotsio-ekonomik ahvoli yaxshi bo‘lganlarda uchrar ekan. Giperseksualizm so‘zi psixiatrlarning kun tartibiga John F.Kennedy‘ning “4 soat jinsiy aloqasiz qolsa o‘zimni yomon his qilaman” so‘zlari bilan tushgan edi. Albatta, u paytlarda bu kasallik
haqida hech kim bilmagani sababli oradan yillar o‘tgach tashxis qo‘yildi.

Juda ko‘p erkaklar o‘zlarining bu hollaridan g‘ururlanadilar. Va bir necha ayol bilan birga bo‘lib o‘zlarini liderlikka kuchga egadek his qiladilar. Ammo bugunlarda bu holat ruhiy kasallik deb baholanadi. Shundoq ekan, buni bir chegarasi bormi? Qanday holatda ishqibozlik, qanday holatda kasallik?– degan savollar keladi kishi aqliga. Mutaxassislar fikriga ko‘ra agar erkak 6 oy davomida bitta o‘z juftiga qanoat qilaolmasa satiriazis, ayollarda nimfomaniya deyiladi. Savoldan kelib chiqqan holda satiriazis mavzusiga ba’zi aniqliklar kiritaylik. Satiriazis haddan tashqari jinsiy hayot qilishlikka qaramlikdir, to‘yim hissini sezmaslikdir. Bir ayolga qoniqmaydigan, haddan ziyod ko‘p aloqada bo‘ladigan, tanlov nimaligini bilmaydigan erkaklar odatda uzoq munosabatda bo‘laolmaydilar. Turli ayolllar bilan bo‘lishlik tuyg‘usini yenga olmaganliklari uchun ham bu bir ruhiy qaramlikdir. Erkak kishining miyasida jinsiy hayot bilan bog‘liq o‘y-fikrlarini va buni faqatgina jinsiy aloqa qilish bilangina taskin topishini o‘ylashligi bir kasallik belgisidir.

Giperseksual erkak o‘zini kimligini yoddan chiqaradigan darajada hayotid balki qayta ko‘rmaydigan ayollar bilan ham jinsiy aloqada bo‘ladi. Jinsiy hayollar, fantaziyalar suitsidal xarakatlarga ham olib kela boshlagach davolanishga rozi bo‘ladi. Odatda bunga olti yetti yil o‘tgandan so‘ng hayotini izdan chiqara boshlaganda tushinib yetadi. Jinsiy qaramlik kishining xuddi alьkogol va narkotikka qaramlik xor qilgandek, atrofdagilar oldida obro‘ e’tiborini ketkazadi. Bunday holat mutaxassisga murojat qilgan erkaklar orasida uch ayollar orasida bir foizni tashkil qiladi. Bu kasallik 25-50 yoshlar orasida kuzatiladi.

«Jupiterisme» ya’ni Yunon mifologiyasida har doim har xil ayollar bilan birga bo‘lgan Olimpiyaning bosh xudosi, «Don Juanism» va «Kazanova» satiriazisning bir oz bo‘lsada yengil shakli edi. Hayollarida avval sevgan ayolini qidiradi.

Giperseksual erkaklarni xarakteriga nazar solinganda o‘zini sevishi, boshqalardan ustun qo‘yish kabi xislatlarga ega. Tez hafa bo‘ladigan, sabrsiz, muammoni tezda hal qilgisi keladigan hal qilish uchun har qanday yo‘lni tutadigan insondirlar. Suhbatdoshini 10 daqiqada maqtab ko‘klarga ko‘tarsa saldan keyin yer bilan bitta qila oladilar. Hayotda norozi, boshqalarni o‘ziga achintirishni xohlashadilar. Hamjinslari bilan munosabati juda yomon, ikki hayoli faqat pornografiyada. Seksual rejalar doimo ustun. Bu tipdagi erkaklarga ayolini go‘zalligi, ibosi muxim emas, faqat nafsi qonsa bo‘ldi.

Erkaklarning jinsiy hayotlarini o‘rganilmagan tomonlari juda ko‘p. Jinsiy aloqadan zavq olgan har bir erkak “bir gul bilan hayot o‘tishi adolatsizlik” deb juftlarini aldaydigan erkaklar ruhiy holatini satiriazis yoki mukkasi bilan ketganlar sifatida ko‘rish kerak emas. Ularni shunchaki normal hayot shartlarini qoidalarini buzadiganlar sifatida baholash kerak.

Satiriazis sabablari

*Bolalikda sevgisiz,
mehrsiz va ishonchsiz muhitda o‘tganligi,
*Ruhiy o‘zgarishlar,

*Irsiyat,

*Bosh miyani organik kasalliklari,

*Endokrin kasalliklari

Turmush o‘rtog‘im (sevganim)satiriazismi?

Bu maqolamni o‘qigandan keyin ajabo juftim giperseksualmikin deb o‘ylab o‘z juftlaridan so‘zlaridan hatti xarakatlaridan belgilarini qidirishni boshlashadi, O‘zingizni bosib oling, chuqur chuqur nafas oling. Agar quyidagi savollarning ko‘pini javobi HA bo‘lsa bosiqlik bilan doktorga murojaat qiling:

Jinsiy aloqa ko‘pligi va bor holidan xursand bo‘lmasdan yanada ko‘prog‘ini xohlayatimi ?

Jinsiy xohishlariga rozilik bermasangiz asabiylashadimi ? Moddiy ahvoli yaxshimi ?

Siz bilan jinsiy aloqaga ba’zan juda ham xohishi baland ba’zan esa xohishi yo‘q bo‘lib qoladimi ?

Jinsiy aloqa mavzularida ko‘p tortishib qolasizlarmi ?

O‘zini, ichki kechinmalarini, hissiyotlarini ifodalashda qiynaladimi ?

Jinsiy aloqa paytida o‘zingizi yolg‘iz xis qilasizmi ?

Pornografiya mavzuli maxsus kolleksiyasi

Qo'shdi: Admin
Qo'shildi: 18.07.19 / 22:22
O'qilgan: 1417
Fikrlar: 0